غالباً أول شيء يصير بعد العرس هو رحلة شهر العسل، اللي دورنا ليش اسمه جذي أصلاً؟ يقولون إن كانوا المعاريس الجدد يشربون شراب العسل بالشهر الأول من زواجهم، لأنهم يعتقدون أنه يجلب الحظ السعيد ومرتبط بالسعادة والفرح.
المهم بالسالفة هذي إن دورنا منو أكثر شخص يفيدنا بشهر العسل وماكو أفضل من شركات السياحة والسفر اللي أشهرهم سواح.
قابلنا علي الخميس الرئيس التنفيذي لـ سواح اللي موجودة بالسوق من أكثر من 10 سنين ومتخصصة في حجوزات .شهر العسل أكثر من غيرها
استفدنا من علي معرفة أفضلية الحجز من "مستشار السفر" بدال الحجز من بوكنج ولا غيره بسبب نوع الخدمة المقدمة وتحملهم للمخاطر بدالك.
غير جذى ان كون فكرة الحجز اونلاين هي ارخص من الحجز من مكاتب السفريات غير صحيحة، خاصة إذا كنت حاجز من فنادق الخمس نجوم وخدمات الجودة العالية لأن شركات السياحة مثل سواح يمتازون بعروض خاصة وحصرية للسوق الكويتي من مؤسسات السياحة في الخارج.
هل الميزانية اهي العامل الأهم في شهر العسل؟
من خبرة علي العملية: «السفر مو محدود على حالة مادية أو ميزانية الشخص، ولكن في عوامل مهمة تساعد على الحجز في الميزانيات المحدودة واهمها الحجز المبكر الي ممكن يطيح من الأسعار الى درجة 60%.»
شنو أفضل وجهة لسفرة شهر العسل؟
علي يقول: «أفضل وجهات شهر العسل هي الي تقدم لك الجمع ما بين الجودة العالية والفعاليات والسعر، وهذا الثلاثي نادر ما يجتمع إلا في دول شرق آسيا. بس مع ان احنا مختصين في حجوزات المالديف، لكن ما ننصح فيها بشهر العسل إلا بحالة وحدة! ان ما تكون اهي الوجهة الوحيدة في السفرة لأن في الغالب الحين ما طاحت الميانة 😊.»
علي الخميس في زيارة لـ تري هاوس
شكثر مدة الرحلة؟ في أحد يروح شهر ولا محد يسويها؟
علي يقول: «مدة السفرة مرتبطة بالميزانية من الدرجة الأولى، الي المفترض أول ما يسويه الشخص لما يحجز شهر العسل ان يحدد ميزانيته. وبناء عليه يتم تحديد أفضل الحجوزات على الرغم من رفض الكثير لنتائج تذكر ميزانيتهم لمكاتب السفر والسياحة ظناً منهم أن تزيد الأسعار بهالطريقة، لكن في الغالب مدة شهر العسل تكون ما بين خمسة أيام إلى عشرين يوم.»
هل الناس قاعد تروح أماكن جديدة؟
علي الخميس عنده وجهة نظر عن الوجهات اليديدة لشهر العسل: «الناس الحين ما تغامر في شهر العسل على الرغم من وجود خيارات ممتازة للتجارب الجديدة مثل كروز Ponant اللي يوديهم رحلات في البحر خيالية وفي جودة عالية.»
شنو نصيحتك للي يبي يحجز لشهر العسل؟
بالنسبة لعلي: «اترك عنك حچي الدواوين! لأن باختصار تجربة غيرك مو شرط تنطبق عليك، وبدالها تعامل مع مستشار السفر الي يضبطلك حجوزاتك على ذوقك.»
شهر العسل قرب؟ حصرياً لفرح، خصم لغاية 5% عند حجز شهر العسل من سواح، مستشار السفر